នៅព្រឹកថ្ងៃសុក្រ ៦កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៩ ខែសីហា ឆ្នាំ២០២៥ ឯកឧត្តម ចាន់ យុត្ថា រដ្ឋលេខាធិការ នាយកកម្មវិធី WAT4CAM ជំហានទី១ និងជានាយកគម្រោងស្តារនិងគ្រប់គ្រងអាងស្ទឹងស្វាយចេក ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញចូលរួមប្រជុំ ដើម្បីពិនិត្យវឌ្ឍនភាពនៃការអនុវត្តគម្រោងកម្មវិធី ក្រោមហិរញ្ញប្បទានពីទីភ្នាក់ងារបារាំងសម្រាប់អភិវឌ្ឍន៍(AFD) សហភាពអឺរ៉ុប(EU) និងធនាគារអភិវឌ្ឍន៍អាល្លឺម៉ង់ ដែលកិច្ចប្រជុំពិភាក្សាដឹកនាំដោយ ឯកឧត្តម ប៉ែន ធីរុង្គ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ លោក Emmanuel DOLLFUS នាយករងនៃទីភ្នាក់ងារបារាំងសម្រាប់អភិវឌ្ឍន៍(AFD) ប្រចាំនៅកម្ពុជា និងលោក Daniel Plankermann នាយកធនាគារអភិវឌ្ឍន៍អាល្លឺម៉ង់។

សូមជម្រាបថា កិច្ចប្រជុំពិភាក្សាផ្តោតលើប្រធានបទសំខាន់ៗ មួយចំនួនដូចជា៖ ទី១)ការពិនិត្យអំពីវឌ្ឍនភាពនៃការអនុវត្តគម្រោងកម្មវិធី ទី២)បញ្ហាប្រឈម ទី៣)អនុសាសន៍/វិធានការកែតម្រូវ និងពន្លឿនការអនុវត្ត ទី៤)ផែនការអនុវត្តបន្ត និង ទី៥)បញ្ហាផ្សេងៗ៕